«Ռուբենը թող գնա ֆուտբոլ խաղա… »
Հասմիկ Բաբաջանյան
13 Հոկտեմբեր 2015 | 07:14
0
Ոնց որ թե հրաժարականը Ռուբեն Հայրապետյանի մոտ լավ է ստացվում: Հիշում եք երևի, թե պատգամավորի մանդատից ինչ հուզիչ նամակով հրաժարվեց:
Մարդիկ էլ մտածում են՝ որ այդպես լավ է ստացվում, մի հատ էլ պահանջենք ՀՖՖ նախագահի պաշտոնի հրաժարականը:
Մեր թիմի վերջին պարտությունից հետո հրաժարականի պահանջն ավելի մեծացավ, բոլորից առաջնահերթ նրա հրաժարականն են պահանջում:
Հրաժարական բառը մեր ժողովուրդն ամենաշատն է սիրում: Եթե հիշում եք, նախագահին էլ 10 րոպե, կես ժամ, մի օր, երկու օր ժամանակ էին տալիս , որ հրաժարական տա:
Հիմա բոլորի թեման Ռուբեն Հայրապետյանի հրաժարականն է:
Ֆեսբուքում տարիքն առած մի տիկին հա՜ գրում է.
Ռուբեն Հայրապետյանի հրաժարակա՛նն ենք պահանջում:
Որտեղ բացում, նրա հրաժարականի «նոտան է աչքովս ընկնում»: Վերջնագիրը: Էլ չհամբերեցի, գրեցի.
-Տիկին ֆուտբոլասերյան, որ հրաժարական տա, բա ի՞նչ գործ անի…
Առանց երկար- բարակ մտածելու գրեց.
-Թող գնա ֆուտոլ խաղա, բոլա՝ ֆուտբոլիստներին խաղցրելա…
Հասմիկ Բաբաջանյան
Կարծիքներ