Որ գյուղը մտնես, այդ գյուղի գդակը ծածկիր. ՄԲ արտգործնախարարն այցելել էր Անկարա

Մեծ Բրիտանիայի արտգործնախարար Բորիս Ջոնսոնը Անկարա կատարած այցի ժամանակ հայտարարել է, որ իր շորերը լվանում է թուրքական արտադրության լվացքի մեքենայով և շատ գոհ է նրա աշխատանքից:

«Մենք շատ բան ունենք, որ կարող ենք փոխանակել; Մենք խոսում ենք իսկական փոխհարաբերությունների մասին: Ամեն տարի Թուրքիայում 2 միլիոն անգլիացի է հանգստանում: Հուսով եմ նրանք իրենց լավ են պահում այստեղ: Մեր բախտն էլ է բերել: Միացյալ Թագավորությունում մենք հնարավորություն ունենք թուրքական արտադրության ապրանքներ գործածել: Ես օգտագործում եմ թուրքական արտադրության լվացքի մեքենա: Նա իսկապես լավ է աշխատում»,- Անկարայում լրագրողներին ասել է Ջոնսոնը:

Ջոնսոնը հիշեցրել է, որ իր նախնիները ծագումով Օսմանյան կայսրությունից են:

«Շատ ուրախ եմ իմ նախնիների հողում լինելուս համար»,- ասել է Ջոնսոնը: