Հասանովը հայ-ադրբեջանական սահմանի հարցով խորհրդակցություն է անցկացրել

Ապրիլի 20-ին Ադրբեջանի պաշտպանության նախարար Զաքիր Հասանովի գլխավորությամբ ցամաքային զորքերի շտաբում տեղի է ունեցել պաշտոնական խորհրդակցություն։ Այդ մասին գրում են ադրբեջանական ԶԼՄ-ները՝ վկայակոչելով երկրի ՊՆ մամուլի ծառայությանը։

Ըստ հաղորդագրության, «հանդիպմանը վերլուծվել է հայ-ադրբեջանական պայմանական սահմանին տիրող օպերատիվ իրավիճակը, զորամասերի մարտական ​​պատրաստության միջոցառումները և զինվորական կարգապահության վիճակը»։

Հասանովը նաև կոնկրետ խնդիրներ է առաջադրել՝ համապատասխան պետական ​​կառույցների հետ համագործակցելով, անհրաժեշտ միջոցներ ձեռնարկել Ադրբեջանի և Հայաստանի միջև պետական ​​սահմանի սահմանազատման և անվտանգության ապահովման գործընթացն արդյունավետ իրականացնելու համար։

Բացի այդ, նախարարը հանձնարարել է անհրաժեշտ տեխնիկական աջակցություն ցուցաբերել օկուպացված Արցախում ժամանակավորապես տեղակայված և ներկայում Ադրբեջանից դուրս եկող ռուսական խաղաղապահ զորախմբի անձնակազմի, զինամթերքի և զինտեխնիկայի տեղափոխման համար։