Իսրայելում Չինաստանի դեսպանին գտել են մահացած՝ իր տանը

Իսրայելում Չինաստանի դեսպան Դու Վեյին գտել են իր տանը մահացած՝ Թել Ավիվի արվարձաններից մեկում։ Այս մասին հայտնում է Channel 12 իսրայելական հեռուստակայանը, վկայակոչելով տեղի ոստիկանության հրապարակած տեղեկատվությունը։

57-ամյա դիվանագետի մահվան պատճառների մասին չի խոսվում։ Հայտնի է միայն, որ դեսպանը մահացել է քնած ժամանակ, բնական կերպով։

Նշենք, որ Դու Վեյը դեսպան էր նշանակվել Պեկինի կողմից Թել-Ավիվում՝ այս տարվա փետրվարին։