Հո՛ղ հանձնողին հողին ենք հանձնելո՛ւ. Խաչիկ Ասրյան

Հերո՛ս Հայ Ազգ Այսօր՝ առավոտյան ժամը 07:00-ին, Արցախի սահմանի ողջ երկայնքով խառնածին ցեղերի արդյունքում ձևավորված, հորինված Ադրբեջանի հրոսակների կողմից իրականացված պատերազմական գործողություններից անցել է 9 ժամ: Հայաստանի հազարավոր կամավորականներ, ովքեր ընդգրկված են տարբեր մարտական ջոկատներում, պատրաստակամություն են հայտնել մեկնել Արցախ՝ ռազմաճակատ՝ մասնակցելու Հայոց Սուրբ Հողի պաշտպանության համար մղվող մարտերին: Սակայն, մեզ համար անհասկանալի պատճառով, Հայաստանի կառավարությունը չի կազմակերպում կամավորական ջոկատների զինման, հանդերձավորման և ռազմաճակատ ուղարկելու գործընթացը, պատճառաբանելով, որ բոլորը պետք է ընդգրկվեն զորահավաքի մեջ՝ իրենց տարածքային զինկոմիսարիատների միջոցով: Ի՞նչ է ստացվում. շուրջ 9 ժամ ադրբեջանական հրոսակները լայնածավալ պատերազմ են մղում Արցախի և Արցախի ժողովրդի դեմ, իսկ Հայաստանում պատրաստ վիճակում գտնվող կամավորական ջոկատներին այս օրհասական պահին չեն թույլատրում մեկնել Արցախ՝ կանգնելու Արցախի ժողովրդի, Պաշտպանության բանակի և Հայ Զինվորի կողքին: Ինչո՞ւ…

« Հայոց Արծիվներ» մարտական ջոկատի հրամանատար, գնդապետ՝ Խաչիկ Ասրյան