Այսօր Եվլախում կկայանա Բաքվի և Ստփանակերտի ներկայացուցիչների հանդիպումը։ Այսօրվա հանդիպմանն Արցախի պատվիրակությունը կներկայացնի ԼՂ նախկին նախագահ Արայիկ Հարությունյանի եղբայրը՝ Արթուր Հարությունյանը։
Պատվիրակությունն արդեն անցել է Աղդամի (Ակնա) շրջանով և շարժվում է դեպի Եվլախ, գրում են ադրբեջանական ԶԼՄ-ները։
Հիշեցնենք, որ ռուս խաղաղապահների միջնորդությամբ Արցախում հրադադարի մասին Ստեփանակերտի և Բաքվի միջև ձեռք բերված հայտարարությանը զուգահեռ ձեռք է բերվել նաև հանդիպման համաձայնություն։ Այն տեղի կունենա սեպտեմբերի 21–ին ադրբեջանական Եվլախ բնակավայրում։
Արցախի տեղեկատվական շտաբի հաղորդագրության համաձայն, հանդիպմանը քննարկվելու է «ԼՂ զինված կազմավորումների լուծարման ու ամբողջական զինաթափման և վերաինտեգրման» հարցերը։
