Քաղաքագետ Ստեփան Դանիելյանը գրել է․
«Ադրբեջանը վտանգավոր երկընտրանքի առջև։
Իսրայելի Կնեսեթը կճանաչի, թե չի ճանաչի Հայոց Ցեղասպանությունը, կիմանանք մոտ ժամանակները:
Թե ինչի համար է Իսրայելի արտգործնախարարն այդ հարցը մտցրել խորհրդարան, հասկանալի է, Թուրքիայի հետ հարաբերությունները լարվում են և այդ քայլով ցանկանում է հավասարակշրել Գազայի ցեղասպանության Թուրքիայի մեղադրանքներին:
Արցախի անկման գործում վճռորոշ դեր է կատարել Իսրայել՝ իսրայելական զենքերը, ռազմական խորհրդատուներն ու մասնագետները, հրեական լոբբին ու համաշխարհային մամուլի վրա հրեաների ունեցած ազդեցությունը: Նաև, Արցախում փորձարկում էին հետագայում Գազայի շրջափակման և նույն մոդելով այնտեղ եւս նույն սցենարով էթնիկ զտում կազմակերպելը: Մյուս կողմից Ադրբեջանին աջակցելով, դիմացը ստացել են Ադրբեջանի տարածքն Իրանի դեմ օգտագործելու թույլտվությունը:
Բայց մեզ հիմա այլ բան պետք է հիմա հետաքրքրի:
Ադրբեջանում Իսրայելի ազդեցությունը հսկայական է, հատկապես այնտեղ հզոր են հետախուզական կառույցները: Իրանի օրինակով մենք տեսանք, թե որքան ահարկու է ՄԱՍԱԴԻ հնարավորությունները: Բնականաբար, Ադրբեջանում էլ է այդ կառույցը խորքային կերպով ներթափանցած:
Իսրայել-Թուրքիա հարաբերությունների սրումը ծանր վիճակի մեջ է դնում Ադրբեջանին, որը ստիպված է լինելու ընտրություն կատարել, եթե այդ հակամարտությունը խորանա և արդեն գործողությունների փուլ մտնի:
Դա մի ընտրություն է, որը կարող է փոխել տարածաշրջանի աշխարհաքաղաքականությունը, նաև՝ հետևանքներ ունենալ Արբեջանի համար»:
