Սա ուխտ է մեզ համար, որ մենք մեր ընթացքում պիտի վերականգնենք և ձգտենք ունենալու պատիվ և հայրենիք: Չկա այլ ճանապարհ մեզ համար։ Մենք պետք է լինենք հատուկ ազգ։ Այս մասին այսօր՝ մայիսի 14-ին, «Նեմեսիս» հուշարձանի մոտ հայտարարել է Բագրատ Սրբազանը։
«Անդրադառնալով Եռաբլուրի և Ծիծեռնակաբերդի գաղափարական մասին, ասեմ, որ Եռաբլուրը և Ծիծեռնակաբերդը ինձ համար եղել են իրար փոխլրացնող։ Առանց Եռաբլուրի գոյության Ծիծեռնակաբերդի արժեքը տկար է։ Եռաբլուրն է, որ Ծիծեռնակաբերդին զոհի հոգեբանությունից վերածում է հաղթողի հոգեբանության։ Մենք էլ պիտի այդպես դառնանք, որ զոհի հոգեբանությունից վերածվենք հաղթողի»,- ասել է նա։
