Միլանի «Ինտերի» կիսապաշտպան Հենրիխ Մխիթարյանը անդրադարձել է Իտալիայի Սուպերգավաթի կիսաեզրափակչում «Բոլոնիայից» կրած ցավալի պարտությանը, որը վճռվեց հետխաղյա 11-մետրանոց հարվածաշարում։
Հայ ֆուտբոլիստի խոսքով՝ թիմը հնարավորություն ուներ հանդիպման ելքը որոշել հիմնական ժամանակում, սակայն չկարողացավ արդյունավետ օգտագործել ստեղծած պահերը։ Նրա կարծիքով՝ նման խնդիր «Ինտերը» ունեցել էր նաև ավելի վաղ խաղերում, ինչի վրա թիմը պետք է լուրջ ուշադրություն դարձնի։ Մխիթարյանը նշել է, որ չնայած մեծ քանակությամբ գոլային հնարավորությունների ստեղծմանը, հանդիպումները չեն ավարտվում ժամանակից շուտ, ինչը բերում է նման արդյունքների։
Ֆուտբոլիստը չի թաքցրել հիասթափությունը, սակայն ընդգծել է, որ թիմը պետք է արագ հաղթահարի այս փուլը և ամբողջությամբ կենտրոնանա առաջիկա հանդիպման վրա։ Նրա խոսքով՝ «Ինտերի» համար կարևոր է ճիշտ օգտագործել առաջացած հնարավորությունները և շարունակել առաջ շարժվել։
