Երգչուհի Սոնա Շահգելդյանը չպատասխանեց «Տավուշը հանուն հայրենիքի» վերաբերյալ հարցին։
«Հրապարակ»-ը կապ էր հաստատել երգչուհու հետ` լսելու նրա դիրքորոշումը տեղի ունեցող շարժման հետ։
Հարցին, թե ի՞նչ կարծիք ունի շարժման մասին, եւ արդյոք մասնակցո՞ւմ է դրան, Սոնան հեռախոսազանգը միանգամից անջատեց` առանց որեւէ խոսք ասելու։
Ավելի ուշ նա մեզ նամակ էր գրել, թե տեղը հարմար չէ, մեզ հետ կկապվի։
Նշենք, որ Սոնա Շահգելդյանը դեռ 2018 թվականից Փաշինյանին աջակցում էր, նա հարցազրույցներում եւ սոցիալական ցանցի իր էջերում Փաշինյանին պաշտպանող գրառումներով է հանդես եկել։
