Գրել ենք, որ ըստ «Ազգային ճակատի» տեղեկությունների, այսօր վաղ առավոտյան ձերբակալել են «Միասնական Վարդենիս» խմբակցության ղեկավար Դավիթ Շահնազարյանին և Սոթքի վարչական ղեկավար Սևակ Խաչատրյանին:
Լուրի իսկությունը ճշտելու և լրացուցիչ տեղեկությունների համար «Հրապարակը» կապվեց «Միասնական Վարդենիս» խմբակցության անդամ Արաքսյա Հայրապետյանի հետ:
Վերջինս նշեց, որ լուրը մասամբ է համապատասխանում իրականությանը՝ հավելելով, որ Շահնազարյանին արդեն ազատ են արձակել: Նույն խմբակցության գործավար Անի Մելքոնյանն էլ հաստատեց տեղեկությունը՝ նշելով՝ առավոտյան իմացել են, որ Շահնազարյանին տարել են Հակառուպցիոն դատարան: Այլ մանրամասներ նա չհայտնեց:
Հարցին, թե արդյո՞ք խմբակցության անդամները տեղյակ են՝ ինչ շարժառիթով կամ պատրվակով էին Հակակոռուպցիոն դատարան տարել իրենց ղեկավարին, Հայրապետյանն ասաց, որ առայժմ ոչինչ հայտնի չէ:
Վարդենիսի համայնքապետարանից էլ մեզ ասացին, որ մանրամասներ կներկայացնեն իրավիճակին ծանոթանալուց հետո միայն:
