Արմեն Սարգսյանի համար նոր Maybach են գնել (ֆոտո)

11:39, 1 ապրիլ, 2019

Հեղինակ: Վահե Մակարյան

Արմեն Սարգսյանի համար նոր Maybach են գնել (ֆոտո)

Նախագահ Արմեն Սարգսյանի համար նոր ավտոմեքենա են գնել։ Այն վերջին սերնդի Mercedes-Benz S 560 Maybach է՝ Mercedes S-Class-ի ամենաշքեղ ու թանկարժեք մոդիֆիկացիան։ Մենք այն նկատեցինք այսօր Աբովյան պուրակով անցնելիս՝ 200 UU 01 պետհամարանիշով։ Պարզվեց՝ նախագահը մեկնում է Արցախ։ Նախագահի Maybach-ին ուղեկցում էին նաև ՊՊԾ-ի երկու Nissan X-Trail-ները։

src=https://scontent.fevn1-2.fna.fbcdn.net/v/t1.15752-9/s2048x2048/56226005_2332951926987194_6153436551633174528_n.jpg?_nc_cat=100&_nc_ht=scontent.fevn1-2.fna&oh=b9e705e6daa40432342524a4b854a9e1&oe=5D4FBEA3

Ուշագրավ է, որ ավտոշարասյան կազմում էր նաև Արմեն Սարգսյանի անձնական օգտագործման Cadillac Escalade ամենագնացը։ Մինչև Maybach-ի ձեռքբերումը Սարգսյանն օգտագործում էր այս Cadillac-ը կամ բարձրաստիճան հյուրերի համար նախատեսված BMW 750-ը, քանի որ նրան պետության կողմից ծառայողական ավտոմեքենա հատկացված չէր։ Այսօր այս Cadillac-ը երբեմն փոխարինում է Maybach-ին՝ որպես ռեզերվային ավտոմեքենա։ Նախագահի օգնական Հասմիկ Պետրոսյանը Hraparak․am-ի հետ զրույցում հաստատեց, որ Արմեն Սարգսյանի համար նոր մեքենա է ձեռք բերվել՝ վերոնշյալ Mercedes S560 Maybach-ը, և նշեց, որ այն ձեռք է բերվել կառավարության որոշմամբ, պետբյուջեի միջոցներով։

src=https://scontent.fevn1-1.fna.fbcdn.net/v/t1.15752-9/s2048x2048/56320426_331310844409689_6071866146200485888_n.jpg?_nc_cat=109&_nc_ht=scontent.fevn1-1.fna&oh=ab37664ecc241e8e1490c18b39ba984c&oe=5D4EC8AA

Թե որքան գումար է ծախսվել բյուջեից այս մեքենայի ձեռքբերման համար, Հասմիկ Պետրոսյանը դժվարացավ ասել․ «Քանի որ մեքենան ձեռք է բերվել կառավարության որոշմամբ, Հանրապետության նախագահի աշխատակազմը որոշման տվյալներին չի տիրապետում»։ Այդուհանդերձ, մենք պարզեցինք, որ եթե Հայաստանում Mercedes-Benz-ի պաշտոնական ներկայացուցչությունից որոշենք պատվիրել այսպիսի Mercedes S560 Maybach, ապա այն կարժենա մոտ 225 հազար եվրո։ Մեզ ասացին, որ այդպիսի մի Maybach արդեն ճանապարհին է և մոտ օրերս կլինի Հայաստանում, թեպետ դեռ որևէ մեկի կողմից գնված չէ։

src=https://scontent.fevn1-1.fna.fbcdn.net/v/t1.15752-9/s2048x2048/55764315_660589674399187_2086381884173975552_n.jpg?_nc_cat=101&_nc_ht=scontent.fevn1-1.fna&oh=19b04f6ee9f78a22a5087534d244d8ac&oe=5D4A23EB