Օմիկրոն կորոնավիրուսային շտամով առաջացած հիվանդացության ալիքը կարող է վերածվել վարակների թվի նվազման, որին հաջորդում է COVID-19-ի անցումը սեզոնային հիվանդությունների կատեգորիային։ Այսպիսի հայտարարություն է արել Microsoft-ի հիմնադիր Բիլ Գեյթսն իր Twitter-ում։ Գեյթսը նշել է, որ Օմիկրոն շտամի առաջացրած ալիքը լուրջ ճնշում է գործադրում ցանկացած երկրի առողջապահական համակարգի վրա։ Բայց, ըստ Գեյթսի, այդ շտամը կնպաստի կորոնավիրուսի նկատմամբ իմունիտետի զարգացմանը առնվազն մեկ տարի։
Ընթացիկ տարվա ընթացքում Օմիկրոն շտամով տուժած երկիրը կտեսնի հիվանդացության լուրջ նվազում, և կորոնավիրուսը կտեղափոխվի սեզոնային հիվանդությունների կատեգորիա, ինչպիսին է գրիպը:
Գեյթսը պարզաբանել է, թե հավանական է, որ որոշ ժամանակ անհրաժեշտ լինի ամեն տարի պատվաստվել կորոնավիրուսի դեմ։
«Մայքրոսոֆթ»-ի հիմնադիրը հավելել է, որ ներկայումս կորոնավիրուսի նոր, ավելի վտանգավոր և վարակիչ շտամի ի հայտ գալու նախադրյալներ չկան։ Սակայն վարակի նոր տարբերակի հավանականությունը, ըստ Գեյթսի, չի կարելի ամբողջությամբ բացառել։
