Իրանի գերագույն առաջնորդ Մոջթաբա Խամենեին «Հզբոլլահի» առաջնորդ Նաիմ Քասեմին, ինչպես նաև նրա հրամանատարներին և մարտիկներին ուղղված նամակում վերահաստատել է Իրանի աջակցությունը խմբավորմանը։
CNN-ի փոխանցմամբ՝ նամակում Խամենեին գովաբանել է «Հզբոլլահի» «դիմակայունությունն ու անսասանությունը» և խմբավորումը բնութագրել է որպես Իսրայելի և նրա կողմնակիցների դեմ «դիմադրության առաջնագծում» եղող շարժում։։ Նա նաև երախտագիտություն է հայտնել Լիբանանի ժողովրդին «Հզբոլլահին» աջակցելու համար։
Խամենեին նշել է, որ «Հեզբոլլահին» պաշտպանելը մնում է Իրանի քաղաքականության ռազմավարական հենասյունը։ Նա ընդգծել է, որ Լիբանանի տարածքային ամբողջականության պահպանումը և Իսրայելի հարձակումների «լիակատար և անվերապահ» դադարեցման ապահովումը Իրանի հիմնական պայմաններն են հակամարտությունը վերջ դնող ցանկացած համաձայնագրի համար։
Նամակում նա մեղադրել է Միացյալ Նահանգներին և Իսրայելին ճնշման և անարդարության մեջ, իսկ «ջիհադն ու դիմադրությունը» նկարագրել է որպես միակ մնացած ուղին։
Ուղերձում հիշեցվում է, որ Միացյալ Նահանգների հետ փոխըմբռնման հուշագրի առաջին կետը Լիբանանի ինքնիշխանության պաշտպանությունն է, ինչը արտացոլում է այն կարևորությունը, որը հանգուցյալ Ալի Խամենեին տալիս էր այս հարցին: «Հուշագրում խոսվում է սիոնիստական ագրեսիայի լիակատար և անվերապահ դադարեցման մասին», - նշվում է նամակի մեջ:
