«Բլինքենը մանկասպան է»․ թուրքական ընդունելություն՝ ԱՄՆ պետքարտուղարի համար (լուսանկարներ)  

ԱՄՆ պետքարտուղար Էնթոնի Բլինկենի Թուրքիա այցի նախօրեին Անկարայի փողոցներում պաստառներ են հայտնվել՝ ՀԱՄԱՍ-ի բարձրագույն ղեկավարության ներկայացուցիչ Աբու Ուբեյդայի պատկերով և «Բլինկենը մանկասպան է» մակագրությամբ։Այդ մասին հայտնում են թուրքական լրատվամիջոցները։

Հիշեցնենք, որ Թուրքիան խստորեն դատապարտում է Իսրայելի գործողությունները Գազայի հատվածում, իսկ նախագահ Ռեջեփ Թայիբ Էրդողանը իսրայելական բանակի գործողություններն անվանել է ռազմական և մարդկության դեմ հանցագործություններ։

Իսրայելա-պաղեստինյան հակամարտության սրացումից անմիջապես հետո Թուրքիայի մի շարք քաղաքներում հակաիսրայելական բողոքի ակցիաներ են ընթանում՝ ի աջակցություն պաղեստինցիների։