Եթե Հայաստանը կատարի իր պարտավորությունները, կդառնա տարածաշրջանի կարևոր դերակատարներից մեկը
Եթե Հայաստանը կատարի Ադրբեջանի հետ պայմանավորվածությունների համաձայն ստանձնած պարտավորությունները, ապա կդառնա տարածաշրջանի կարևոր դերակատարներից մեկը, և տարածաշրջանում տեղի ունեցող իրադարձությունները օգուտ կտան նաև Հայաստանին։ Այս մասին ասել է Թուրքիայի արտգործնախարար Մևլութ Չավուշօղլուն, գրում են թուրքական լրատվամիջոցները։
Ըստ նրա՝ հսկայական ներդրումներ են կատարվել Կասպից ծովի տարածաշրջանով անցնող Արեւելք-Արեւմուտք տրանսպորտային միջանցքի իրականացման համար անհրաժեշտ ենթակառուցվածքներ ստեղծելու համար։
«Նախագծին մասնակցում են Կենտրոնական Ասիայի երկրները, Թուրքիան, Ադրբեջանը և Վրաստանը։ Եթե Հայաստանը կատարի Ադրբեջանի հետ ստորագրված պայմանագրերը, կարող է մասնակցել այս նախագծին»,- հայտարարել է Թուրքիայի ԱԳՆ ղեկավարը։
Կարծիքներ