Երջանիկ կյանքի 6 կանոն․ խորհուրդներ հոգեբանից
Նյու Յորքում բնակվող ծագումով կորեացի հոգեբան Ջիհի Չոն խոսել է «Չոն» հասկացության մասին, որն ավելի քան երկու հազար տարի կորեական մշակույթի, մտածելակերպի անբաժանելի մասն է, գրում է Doctorpiter.ru-ն։
Ըստ այդ հասկացության՝ կյանքի որոշակի սկզբունքների և կանոնների պահպանումը թույլ է տալիս մարդկանց ավելի երջանիկ լինել: «Չոն» հասկացությունը բառացի նշանակում է համայնքի, մտերմության, ջերմության զգացում։ «Չոն»-ը ունի վեց կանոն, որն օգնում է մարդկանց ավելի երջանիկ լինել։ Ջիհի Չոն կիսվել է այդ խոհուրդներով։
Պարբերաբար ժամանակ անցկացրեք սիրելիների հետ
Հոգեբանը խորհուրդ է տալիս չմոռանալ ընտանիքի և ընկերների մասին, անընդհատ ժամանակ գտել նրանց հետ շփվելու համար։ Եվ խոսքը ոչ թե սոցցանցերով, այլ իրական շփման մասին է։
Առաջարկեք օգնություն և աջակցություն
Ըստ հոգեբանի՝ չպետք է բաց թողնել ուրիշներին օգնելու հնարավորությունը։
Ստեղծեք ընդհանուր փորձ
Առիթներ փնտրեք ամենատարբեր մարդկանց միավորելու համար՝ հիմնվելով գոնե ընդհանուր հիշողությունների, ընդհանուր գործի կամ հետաքրքրությունների վրա:
Ընդլայնել սոցիալական շրջանակը
Բաց եղեք անծանոթ թիմերի մարդկանց համար, ջերմորեն հանդիպեք ձեր ընկերների ընկերներին, ողջունեք հարևաններին, պատճառներ գտեք ցանկացած շփման և փոխգործակցության համար:
Ընդունեք ձեր խոցելիությունը
Կարևոր է լինել բաց և անկեղծ հաղորդակցության մեջ, և համարձակություն ունենալ խոստովանելու այն փորձառությունները, զգացմունքներն ու հույզերը, որոնցով դուք այնքան էլ հպարտ չեք։
Եղեք այստեղ և հիմա
«Չոն» հասկացության մեջ կարևոր է այս պահը, ներկան, որից պետք չէ շեղվել։
Կարծիքներ