Աղմուկ հանած բաճկոնը արժե 300 հազար դրամ. խանութը այն նվիրել է Հայկ Սարգսյանին
Համացանցում մեծ աղմուկ է բարձրացրել նորընտիր պատգամավոր Հայկ Սարգսյանի լուսանկարը, որտեղ նրա հագին անվանական բաճկոն է: Այդ բաճկոնից կրում են նաեւ վարչապետի պաշտոնակատար Նիկոլ Փաշինյանը, ԱԱԾ տնօրեն Արթուր Վանեցյանը:
Անվանական բաճկոնի աջ մասում գրված է պաշտոնը, իսկ ձախում՝ անուն-ազգանունը:
Խանութը, որը բաճկոնը կարել է Հայկ Սարգսյանի համար, Ֆեյսբուքի իր էջում գրառում է կատարել.
«Բաճկոնը կարված է հատուկ՝ Հայկ Սարգսյանի պատվերով։ Raf Kanian֊-ը բարձր որակն ապահովել է ՝ կաշիմիրի, բնական մորթու և զամշի միջոցով ։ Մենք պատրաստ ենք իրագործել հաճախորդի յուրաքանչյուր ցանկություն»:
Գրառման մեկնաբանություններում օգտատերերից մեկը հարց է բարձրարցել. «Բա էս բաճկոնը իր աշխատավարձով է գնե՞լ, թե՞ մեր փողերով: Ամոթ ա, նենց եք գրել հատուկ Հայկ Սարգսյանի համար, ոնց որ հանրահայտ աստղ լինի»:
Ըստ այդ նույն մեկնաբանությունների՝ բաճկոնը բավականին թանկարժեք է, առանց անուն-ազգանունը գրելու, այն արժի 300 հազար դրամ: Նույն մեկնաբանություններից պարզ է դառնում, որ բաճկոնը խանութը նվիրել է Սարգսյանին:
Խանութի Ֆեյսբուքյան էջով եկնաբանվել է. «ֆիրման այս բաճկոնը, հարգելիս, նվեր է տվել Հայկ Սարգսյանին՝ որպես թավշյա հեղափոխության առաջնագծի մասնակից»:
Կարծիքներ