Ռուսական «Ռոսկոմնադզոր» գերատեսչական վերահսկիչ մարմինը որոշում է կայացրել արգելափակել ադրբեջանական BAKU.WS լրատվական կայքի գործունեությունը։ Նշենք, որ Ուկրաինայում Ռուսաստանի կողմից իրականացվող ռազմական հատուկ գործողության մեկնարկից ի վեր, արդեն առնվազն չորս ադրբեջանական լրատվամիջոցի կայքէջեր արգելափակվել են Ռուսաստանում։ Դրանք են՝ BAKU.WS, Oxu.Az, haqqin.az եւ minval.az։ Նշենք, որ ադրբեջանական մամուլը ունի ընդգծված հակառուսական կեցվածք եւ Ռուսաստանի կողմից Ուկրաինայում իրականացվող հատուկ ռազմական գործողությունը լուսաբանում է նախապատվություն տալով ուկրաինական կողմին։
