Շաբաթ օրը՝ սեպտեմբերի 30-ի երեկոյան, ոստիկանությունը տեղեկություն է ստացել, որ Զագաթալայի շրջանի Ենգիան գյուղի տարածքում պայթուցիկի գործարկման հետեւանքով տուժել են գյուղի երկու բնակիչ՝ 1991 թ․ ծնված Մագսաթ Ռզաևը և 1994 թ․ ծնված Համիդ Գյուլմամեդովը։
Այդ մասին հայտնում են ադրբեջանական ԶԼՄ-ները։
ՆԳՆ մամուլի ծառայության տարածքային բաժանմունքից հայտնել են, որ այս անձինք հոսպիտալացվել են, չնայած ցուցաբերված բուժօգնությանը, Գյուլմամեդովին փրկել չի հաջողվել։ Նշվում է, որ վերջին Հայրենական պատերազմի (2020 թ․ 44-օրյայի-խմբ․) մասնակից էր։
Հատկանշական է, որ վերջին շրջանում Բաքուն պարբերաբար հաղորդում է ականի պայթյունի հետևանքով կամ համանման իրավիճակներում զոհերի մասին՝ հայկական կողմին մեղադրելով «ականային ահաբեկչության» մեջ։
Հենց այդ պատրվակով սեպտեմբերի 19-20-ին, Ադրբեջանը ներխուժեց Արցախ և իրականացրեց հատուկ գործողություններ։ Դատելով Բաքվի ռեժիմի վարքագծից՝ ակնհայտ է, որ Ադրբեջանը պատրաստ է սպանել սեփական քաղաքացիներին կամ նրանց հետ կատարվածը վերագրել հայերին՝ միայն թե արդարացնի իր ցեղասպան ու ծավալապաշտական նկրտումները։
