Հուլիսի 26-ին իրանական կողմի նախաձեռնությամբ տեղի է ունեցել Ռուսաստանի արտգործնախարար Սերգեյ Լավրովի և Իրանի արտգործնախարար Աբբաս Արաղչիի հեռախոսազրույցը։
ՌԴ արտգործնախարարը խորին ցավակցություն է հայտնել հուլիսի 25-ին ուկրաինական անօդաչու թռչող սարքերի հարձակման հետևանքով իրանցի նավաստու մահվան կապակցությամբ։ Հարձակման թիրախ էր դարձել քաղաքացիական բեռով Աստրախանից դուրս եկած Իրանի «Անա» բեռնանավը։
Լավրովը խնդրել է իր զորակցության խոսքերը փոխանցել զոհվածի հարազատներին ու մտերիմներին և տուժածներին մաղթել շուտափույթ ապաքինում։
