«Հրապարակ»-ի ձեռքի տակ է հայտնվել զոհված պատգամավոր Մհեր Սահակյանի մեքենայի կադրերը:
Ավելի վաղ գրել էինք «Հայաստան» խմբակցության պատգամավոր Մհեր Սահակյանին պատկանող մեքենան Տիգրանաշենի հատվածում ձորն է ընկել: Ղեկին եղել է պատգամավորը, ցավոք նրա կյանքը փրկել չի հաջողվել: ՆԳՆ-ից մեզ ասացին, որ նախնական տվյալներով՝ զոհվածը Մհեր Սահակյանն է:
Հունվարի 13-ին՝ ժ․16․41-ի սահմաններում ՆԳՆ ՓԾ 911 ծառայություն է զանգահարել մի քաղաքացի և հայտնել, որ Երևան-Մեղրի ճանապարհի 90-րդ կմ հատվածում՝ ձորում նկատել է շրջված վիճակում գտնվող ընկերոջ «Հոնդա» մեքենան։ Այս մասին հայտնում է ՀՀ ՆԳՆ խոսնակ Նարեկ Սարգսյանը։
Դեպքի վայր են մեկնել ՆԳՆ ոստիկանության և փրկարար ծառայության աշխատակիցներ։ Ըստ նախնական տեղեկությունների՝ մեքենայում եղել է ՀՀ ԱԺ պատգամավոր Մհեր Սահակյանը, որը մահացել է։
