Քիչ առաջ լրագրողների հետ ճեպազրույցում գիշերը զորամասում այրվածքներ ստացած երեք զինծառայողների վիճակի մասին մանրամասներ հայտնեց Այրվածքաբանության ազգային կենտրոնի փոխտնօրեն, առողջապահության նախարարի խորհրդական Կարինե Բաբայանը:
Նա ասաց, որ իրենց մոտ է տեղափոխվել երեք զինծառայող, որոնցից երկուսի վիճակը ծանր է` նրանք ունեն շնչուղիների այրվածքներ, իսկ մեկի վիճակը գնահատվում է բավարար:
«Երկու ծանր վիճակում գտնվող զինվորները, որոնք գտնվում են վերակենդանացման բաժանմունքում, իրենց մոտ գրանցված է շնչուղիների այրվածք, գտնվում են թմրեցման տակ, կատարվում են վիրակապություններ, այրվածքի տոկոսները և ծանրության աստիճանը որոշվել է, իսկ մյուս հիվանդը գտնվում է այրվածքաբանության բաժանմունքում, նրա վիճակը, կարող եմ ասել, որ բավարար է»,-ասաց Կարինե Բաբայանը:
Նա նաև նշեց, որ պաշտոնյաներ այցելել են հիվանդներին, սակայն այդ պաշտոնյաների մեջ չեն եղել ոչ պաշտպանության նախարար Սուրեն Պապիկյանը, ոչ առողջության նախարար Անահիտ Ավանեսյանը:
Մանրամասն` տեսանյութում
