Արցախում կրակի դադարեցման եւ բանակցությունների նախապայմանները համապատասխանում են Ադրբեջանի՝ մինչ այդ առաջ քաշած նախապայմանների հետ եւ Արցախի հայ բնակչությանը թողնում են անպաշտպան, BBC-ի հետ զրույցում հայտարարել է Եվրոպական Քարնեգի հիմնադրամի փորձագետ Թոմաս դը Վաալը։
«Սա թերեւս 35-ամյա, իսկ ոմանց կարծիքով նաեւ 100-ամյա ծրագրի իրականացումն է՝ Ղարաբաղի հայերին Ադրբեջանից հեռացնելու։ Ցավոք մենք տեսնում ենք մի ծրագիր, որի համաձայն ադրբեջանցիները չափազանց քիչ բան են առաջարկում ղարաբաղահայությանը եւ նրանց մեծ մասը, եթե ոչ բոլորն, այնտեղից հեռանալու են»,- ասել է փորձագետը։
