Այսօր քաղաքական կուսակցությունների ներկայացուցիչների հավաք-հանդիպում է կայացել Հայ հեղափոխական դաշնակցության գրասենյակում։ Մասնակցել են արտախորհրդարանական ուժերի ներկայացուցիչները՝ ԲՀԿ-ից Արթուր Գրիգորյանը, «Հայրենիք» կուսակցության առաջնորդ Արթուր Վանեցյանը, «Մեկ Հայաստան» կուսակցության նախագահ Արթուր Ղազինյանը, «Ազգային օրակարգ» կուսակցության խորհրդի նախագահ Արա Հակոբյանը և բնականաբար՝ ՀՅԴ ղեկավարները։ Քննարկել են քաղաքական իրավիճակը։ Մեզ հետ զրույցում ՀՅԴ ԳՄ ղեկավար Իշխան Սաղաթելյանն ասաց, որ հանդիպման մասնակիցների միջեւ «կա փոխըմբռնում»։
