Ազգային ժողովում շարունակում են քննարկել Հռոմի ստատուտի վավերացման հարցը։ Քիչ առաջ լրագրողները «Քաղաքացիական պայմանագիր» խմբակցության պատգամավոր Էդուարդ Աղաջանյանից հետաքրքրվեցին, թե ի՞նչ է սպասվում Հայաստանին ստատուտը վավերացնելուց հետո, արդյոք Ռուսաստանը պատժամիջոցներ չի կիրառի Հայաստանի նկատմամբ, գազ չի թանկացնի և այլն։ Լրագրողները օրինակ բերեցին փաստը, որ Լարսում այս պահին կանգնած են Հայաստանից Ռուսաստան մեկնող մի շարք բեռնատարներ։
«Գազը երբ թանկացավ, աթա՞ր ենք վառելու»,- հարցրին լրագրողները։
«Հայաստանի ղեկավարությունը հնարավոր սցենարների պարագայում համապատասխան քայլեր կձեռնարկի։ Այս պահին մենք չունենք որևէ հիմք պնդելու, որ հնարավոր է նման գործողություններ լինեն»,- արձագանքեց Աղաջանյանը։
