Աղմկահարույց դպրոցում նոր տնօրեն չեն կարողացել ընտրել
Արարատի մարզի Զորակ (Մասիսի տարածաշրջան) համայնքի Մոնթե Մելքոնյանի անվան միջնակարգ դպրոցի տնօրեն Տիգրան Բաբախանյանը աշխատանքից ազատման դիմում է գրել այս տարվա ապրիլին՝ ներկայիս իշխանության քաղաքական տեսակետները չկիսելու համար։ Բաբախանյանը ոչ թե սեփական նախաձեռնությամբ, այլ Արարատի մարզպետարանի ճնշումների ներքո է դիմումը գրել։ Դրանից հետո հայտարարվել էր մրցույթ՝ դպրոցի տնօրենի թափուր պաշտոնի համար։
Նոյեմբերի 4-ին նախատեսված է եղել անցկացանել մրցույթ․ սակայն այն չի կայացել։
Դպրոցի տնօրենի ժամանակավոր պաշտոնակատար Մարգարիտա Տեր-Ղազարյանը մեզ կիայն հայտնեց, որ մրցույթը չի կայացել, քանի որ քվորում չի եղել։
Նրա խոսքով՝ թեկնածուն մեկն է՝ Լաուրա Գասպարյանը։
Նշենք, որ ամիսներ առաջ մարզպետ Ռազմիկ Թևոնյանը և նրա տեղակալ Արտավազդ Նազարեթյանը շատ կոնկրետ «ընկել էին» տնօրենների հետևից և ընտրություններից առաջ փորձում էին ազատվել մարզի ըմբոստ և իրենց հրահանգները չկատարող տնօրեններից։
Դպրոցի տնօրեններին «կոնտրոլ» անելու պարտականությունը դրված է եղել հենց Նազարեթյանի վրա։ Այս գործընթացին ակտիվ մասնակցել է նաեւ Արարատի նախկին մարզպետ Գարիկ Սարգսյանը։
Կարծիքներ