Ինչո՞վ ա ծանր Հայաստանի վիճակը, ի՞նչ ա եղել Հայաստանին բայց. ՀՀԿ-ի թեկնածու

Ինչո՞վ ա ծանր Հայաստանի վիճակը, ի՞նչ ա եղել Հայաստանին բայց. ՀՀԿ-ի թեկնածու

«Հրապարակի» հարցերին պատասխանում է Սիսիանում մարտի 26-ին կայանալիք ՏԻՄ ընտրություններին ՀՀԿ ցուցակի առաջին համար, համայնքապետի թեկնածու Ջիվան Մարգարյանը:

- ՀՀԿ-ն մասնակցում է ՏԻՄ ընտրություններին, Դուք համայնքապետի թեկնածուն եք, ընտրություններին մասնակցելու է 3 ուժ` ՀՀԿ-ն, «Քաղաքացու որոշումը» և ՔՊ-ն: Երեկ մեզ հետ զրույցում նշեցիք, որ սարերում եք, այժմ իջել եք սարերից, մի փոքր պատմեք, թե ինչ եք պատրաստվում անել:

- Իմ ձայնային հիշողությունը լավ է, հա, երեկ էլ ենք զրուցել: Դե ի՞նչ նորություն պիտի լինի, թղթերը հանձնել, սպասում ենք:

- Ի՞նչ թղթերի մասին է խոսքը:

- Դե, ճիշտն ասած ես չգիտեմ, ինչ թղթեր որ պահանջվում ա:

- Հայտերի ընդունման վերջնաժամկետը փետրվարի 19-ին էր:

- Մենք մեր գրաֆիկով ինչ պետք ա՝ արել ենք:

- Սիսիանում մարդիկ ի՞նչ տրամադրություններ ունեն: Հայաստանում բավականին ծանր շրջան է, մարդիկ մի քանի ամսվա ընթացքում պետք է երկրորդ ընտրություններին մասնակցեն: Ի՞նչ կարծիք ունեք այս մասին:

- Ինչո՞վ ա ծանր Հայաստանի վիճակը, ի՞նչ ա եղել Հայաստանին բայց:

- Սյունիքի մարզում եք ապրում, կարծես, ընդդիմադիր եք, ե՞ս պետք է ասեմ, թե Հայաստանն ինչ վիճակում է:

- Մարդիկ ամեն մեկն իր կարծիքն ունի, ես ոչ քարոզարշավի եմ մտել, ոչ էլ կարամ բան ասեմ: Որ գնամ քարոզարշավի, կասեմ:

- Մարդկանց հետ չե՞ք շփվում:

- Բայց դա ի՞նչ կարևոր ա, կամ ի՞նչ քննարկելու հարց, իմ ինչի՞ն ա պետք:

- Նախորդ անգամ ընտրություններին ոչ մի ուժ չկարողացավ 50+1 տոկոս ձայն հավաքել, կարծիքներ կան, որ այս անգամ ևս նման պատկեր է լինելու:

- Դա իմ գործը չի, դա ինձ չի հետաքրքրում:

- Բայց Դուք թեկնածու եք, ինչո՞ւ չի հետաքրքրում:

- Հա, ի՞նչ անենք թեկնածու եմ: Կձախողվենք` կձախողվենք:

- Մարդիկ ՀՀԿ-ին վստահո՞ւմ են:

- Ընտրությունների արդյունքները ցույց կտան ամեն ինչ: Քարոզարշավից հետո ես կխոսեմ: Հիմա կարող եմ օրենքի պահանջներ խախտել:

- Հարցազրույց տալն օրենքի պահանջների խախտում չէ, կարող եք հանգիստ լինել: Եթե Դուք դառնաք համայնքապետ, ի՞նչ կփոխեք ձեր քաղաքում:

- Երբ ընտրություններ լինեն և ես ընտրվեմ, այն ժամանակ էլ այդ հարցին կպատասխանեմ:

- Իսկ սիսիանցիներին որևէ խոստում չունե՞ք տալու:

- Երբ քարոզարշավը սկսի, ծրագիր եմ տալու:

- Ի՞նչ խնդիրներ կան այսօր Սիսիանում:

- Ես շատ գործեր ունեմ, չեմ կարող էլ խոսեմ: