Ինչ հանգամանքներում է այրվածքներ ստացել զինծառայողը, որի վիճակն այս պահին ծանր է

Զինվորն այրվածքներ է ստացել վառարանի կայծից ծագած հրդեհի հետևանքով.ՊՆ Հուլիսի 17-ին ջերմային 2-րդ աստիճանի այրվածքով Զանգեզուրի կայազորային հոսպիտալ է ընդունվել պարտադիր ժամկետային զինծառայող, շարքային Պալյան Ջիվանի Պողոսյանը: Ըստ Պաշտպանության նախարարության, նույն օրը զինծառայողը ռեանիմոբիլով տեղափոխվել է Այրվածքաբանության ազգային կենտրոն։ «Պայմանավորված տվյալ ախտահարման դեպքում հիվանդության զարգացման փուլային ընթացքով և այրվածքային ախտահարման ժամանակ հաճախակի հանդիպող հեռակա բարդություններով' զինծառայողի առողջական վիճակում դիտարկվել է վատթարացում, ներկայումս այն գնահատվում է ծայրահեղ ծանր»-ասված է ռազմական գերատեսչության հաղորդագրության մեջ: Պաշտպանության նախարարության մամուլի քարտուղար Արամ Թորոսյանը Հրապարակին փոխանցեց, որ զինվորը այրվածքներ է ստացել վառարանի կայծից առաջացած հրդեհի հետևանքով: