Գործարկվում է Բաքու-Նախիջեւան ավտոբուսային երթուղի 

Այսօրվանից մեկնարկում է Բաքու-Նախիջեւան ավտոբուսային երթուղին։ Ավտոբուսները մեկնելու են ամեն օր Բաքվի միջազգային ավտոկայանային համալիրից։ Ավտոբուսը Բաքվից դուրս է գալու 21,00-ին, Նախիջեւան հասնելու է 09,00-ին։ Այս մասին տեղեկանում ենք ադրբեջանական մամուլում հրապարակված տեղեկատվությունից։

Ուշագրավ է այն, որ նշված է ավտոբուսային երթուղու մասին ողջ ինֆորմացիան, բայց չի նշված, թե ավելի քան 12 ժամ տեւող երթուղին ինչ հետագծով է շարժվելու։