ԱԱԾ-ն մտել է Ծառուկյանի տուն
Հենց նոր տեղեկացանք, որ Ազգային անվտանգության ծառայությունը ժամանել է Առինջ՝ Գագիկ Ծառուկյանի տուն, խուզարկության։ Մեզ ասացին, որ դիմակավորված անձանց մեծ խումբ է եկել, ինչ որ փաստաթուղթ են փնտրում։ Այս պահին Ծառուկյանի տանը խուզարկություն է ընթանում։
Հիշեցնենք, որ նախօրեին մենք գրել էինք, որ իշխանությունը գործողություններ է ծրագրում իրականացնել մի քանի ուղղություններով, որոնք վարչապետի հրահանգով են կատարվում։ ԱԱԾ նոր տնօրենը անցել է գործի։
Մենք կապվեցինք ԱԺ պատգամավոր, Գագիկ Ծառուկյանի թիկնազորի պետ Էդիկ Բաբայանի հետ, ով ԲՀԿ-ական թիմից միակն է, որ տան ներսում է, մյուսները՝ դրսում են։ Նա ասաց «Այո, հյուրեր ունենք, ինչ որ թուղթ են փնտրում, չգիտենք ինչ»։ Նրա խոսքով՝ մոտ երկու տասնյակ ԱԱԾ-ական է այս պահին Գագիկ Ծառուկյանի տանը։
Կարծիքներ