Ոչ ոք չի կարող ասել, թե այդ բախումները ուր կարող են հասնել․ Քաղտեխնոլոգը՝ Կարագանդայի դեմքի մասին

Տհաճ միջադեպ է եղել, չպետք է ազգամիջյան բախումների տանել, Ղազախստանի Կարագանդա քաղաքի «Հին Հռոմ» ռեստորանում տեղի ունեցած ծեծկռտուքի վերաբերյալ այս տեսակետը հայտնեց քաղտեխնոլոգ Արմեն Բադալյանը.

«Ծանոթ եմ տեղի ունեցած միջադեպին, կարծեմ 2-ը հայ եղբայրներ են: Կենցաղային բնույթի միջադեպ է, որին փորձ տրվեց ազգամիջյան բնույթ հաղորդել, ինչը անմիջապես կանխվեց տեղի իշխանությունների կողմից, որովհետեւ իրենց էլ ձեռք չի տալիս ազգամիջյան խնդիրներ հրահարել եւ ազգամիջյան հարցեր բարձրացնել: Առավել եւս, որ Ղազախստանը հայտնի է, որպես տարբեր ազգերի միջեւ համերաշխ ապրող երկիր, որտեղ տարբեր  ազգերի ներկայացուցիչները համերաշխ են ապրում»:

Այն հարցին արդյո՞ք այս միջադեպը չի ազդի Հայ-Ղազախական հարաբերությունների վրա, Բադալյանը պատասխանեց. «Ղազախստանը եւ Հայասատանը միաժամանակ ԵԱՏՄ եւ ՀԱՊԿ-ի անդամներ են: Ղազախստանը լինելով թուրքալեզու երկրների միության անդամ, որին անդամակցում են 5 երկրներ՝ Ղրղզստանը, Ուզբեկստանը, Թուրքմենստանը, Ադրբեջանը, Թուրքիան, բազմաթիվ անգամ հակայակական բանաձեւերի կողմ է քվեարկել:  

Այս կենցաղային բնույթի միջադեպը չի կարող ազդել հայ-ղազախական հարաբերությունների վրա առավել եւս, որ Ղազախտանը ժողովրդավարական երկիր չէ, եւ խիստ տոտալ կառավարաման համակարգ ունի, այնտեղ ամիջապես վերեւից կանխում եւ տրվում է այդ միջադեպին պաշտոնական մեկնաբանություն, իսկ լրատվամիջոցները այդ մեկնաբանություն են շրջանառության մեջ դնում: Այնպես չի, որ նա ժողովրդավարական երկիր է, այնտեղ կարող են քննարկումներ լինել, ինչի այսպես եղավ եւ այլն: Երկրի իշխանությունը կանխել է ազգամիջյան բախման հարցը եւ ներկայացրել է որպես տհաճ միջադեպ: Ոչ ոք չի կարող ասել, թե այդ բախումները ուր կարող են հասնել: Այսօր դա ուղղված է հայերի դեմ, չի բացառվում, որ վաղը կարող են այլ ուժեր փորձեն օգտագործել դա Նազարբաեւ դեմ: Դրա համար ցանկացած շարժում աֆտորիտար երկրներում, որը վերահսկելի չէ, անմիջապես կանխվում է»:  

Արմեն Բաղալյանի կարծիքով՝  տհաճ միջադեպ է եղել ռեստորանում, երկու կողմերն էլ ուղղակի շատ են ալկահոլ օգտագործել: Խոսելով Ղազախստանում տեղի ունեցող ցույցերի մասին, Բադալյանը ասաց, որ 
Ղազախստանում բավականին ուժեղ է ադրբեջանական համայնքը եւ ադրբեջանական լոբբին, եւ բնականաբար աշխարհի ցանկացած տեղ որտեղ հայերը վատ վիճակում կարող են հայտնվել իրենք այդ առիթը օգտագործում են. «Դա նորություն չի, Ադրբեջանը ակտիվ ձեւով աշխատում է այս ուղղությամբ, որովհետեւ ցանկացած  թշնամանք Հայասատանի հանդեպ օգուտ է Ադրբեջանին: Իհարկե կրքերը կհանդարտվեն: Վերջին տարիներին զուտ   ղազախների մոտ ազգայնական տարրը ուժեղացել եւ շատ դեպքերում տրամադրությունները ոչ թե ուղղված է հայերի դեմ, այլ իրենց ազգայնականություն ցույց տալու եւ իրենց ազգայնականությունը ամրապանդելու ուղղությամբ»: 

Հիշեցնենք, որ Ղազախստանի Կարագանդա քաղաքի «Հին Հռոմ» ռեստորանի մոտ տեղի ունեցած դանակահարության գործով երեք մարդու են կալանավորել: Դանակահարության հետևանքով մեկ մարդ էր մահացել, ևս երեքը վիրավորվել էին: Ծեծկռտուքի մասնակիցներ հայազգի Սոխակ Մալխասյանը, Թորգոմ Մալխասյանը և Կաիր Նադիրբեկովը ձերբակալված են, իրավապահ մարմիններից թաքնվող Նարեկ Գուրուրյանը հետախուզման մեջ է: