Պարեկների աչքերին տեսիլքնե՞ր են երևում. արկածները շարունակվում են
Արագածոտնի, Կոտայքի, Գեղարքունիքի և Տավուշի մարզրում ևս տևական ժամանակ է՝ գործարկվել են
Ներքին գործերի նախարարության ոստիկանության պարեկային ծառայության ստորաբաժանումները:
«Ուզում եմ ընդգծել, որ Պարեկային ոստիկանությունը հենց կարկատանի տրամաբանությունը հաղթահարելու մեր կամքի ամենավառ դրսևորումներից է, որովհետև երբ խոսել ենք Հայաստանի Հանրապետությունում Պարեկային ոստիկանության հիմնադրման մասին, սկզբունքային կարևոր նշանակություն է ունեցել, որ Պարեկային ոստիկանությունում ամեն ինչ պետք է լինի նոր՝ սկսած ավոտմեքենաներից, հագուստից, բայց ամենակարևորը՝ մտածողությունն է: Մենք պետք է Պարեկային ոստիկանության և ընդհանրապես՝ ամեն նոր կառույցի հետ բերենք նոր մտածողություն:
Մենք այսպես ենք վարվում կրթության ոլորտում, մենք այսպես ենք վարվում իրավակարգի ոլորտում, մենք այսպես ենք վարվում Զինված ուժերի ոլորտում: Սա չափազանց կարևոր մոտեցում է, և ուզում եմ, որ այս տրամաբանությամբ առաջնորդվենք մեր հետագա ամեն քայլը պլանավորելիս և իրագործելիս, որովհետև, ինչպես ասված է Կտակարանում՝ «Նոր գինին հին տիկերի մեջ չի լինի տեղավորել»:
Հիմա արդեն ակնհայտ է, որ մեզ համար կարևորագույն նշանակություն ունեցող Ոստիկանության, Փրկարար ծառայության, Ներքին գործերի համակարգի վերնագրի ներքո իրականացվող բարեփոխումներն ընթանում են շատ հաջող և մենք պետք է վճռականորեն ավելի որակյալ դարձնենք այս բարեփոխումները»,-
ոստիկանության պարեկային ծառայության Արագածոտնի, Կոտայքի, Գեղարքունիքի և Տավուշի մարզերի ստորաբաժանումների աշխատանքի մեկնարկին նվիրված միջոցառումանը հայտարարում էր վարչապետ Փաշինյանը:
Կոտայքի մարզի բնակիչներից մեկը մեզ տեղեկացրեց, որ պարեկներն իսկական պատուհաս են դարձել մարզի համայնքներում, պատեհ-անպատեհ մեքենաներ են կանգնեցնում ու փորձում դրսևորվել:
«Կանգնեցրել է ու ինձ ասում, թե վարելիս ինձ նկատել է, թե իբր հեռախոսով եմ խոսել: Կես ժամից ավել բացատրել եմ, որ որևէ մեկի հետ չեմ զրուցել, ինձ ասում է՝ ես իմ աչքի տեսածին եմ հավատում: Պարեկների աչքերին տեսիլքնե՞ր են երևում»,- ասաց մեր զրուցակիցը:
Կարծիքներ