Հայկ Սարգսյանի հայտարարագիրը անհետացել է կայքից

Հայկ Սարգսյանի հայտարարագիրը անհետացել է կայքից

Ազգային ժողովի «Իմ քայլը» խմբակցության պատգամավոր Հայկ Սարգսյանի 2019 թվականի հայտարարագիրը անհետացել է Կոռուպցիայի կանխարգելման հանձնաժողովի կայքից։ Մենք կապվեցինք հանձնաժողովի նախագահ Հայկուհի Հարությունյանի հետ՝ հասկանալու համար, թե որն է պատճառը։

Հանձնաժողովի նախագահն ասաց, որ Հայկ Սարգսյանը դիմում է ներկայացրել հանձնաժողովին և ուղղում անելու թույլտվություն խնդրել, ինչով էլ պայմանավորված է հայտարարագրին հասանելության սահմանափակումը։ Այսինքն՝ Սարգսյանը հետ է վերցրել հայտարարագիրը՝ այդտեղ ուղղումներ անելու համար։ Մենք փորձեցինք կապվել նաև Հայկ Սարգսյանի հետ՝ հասկանալու համար, թե ի՞նչ է մոռացել հայտարարագրել, կամ գուցե ավել բան է ներկայացրել հանձնաժողովին, սակայն Սարգսյանի հեռախոսահամարը մշտապես անհասանելի էր։