Ադրբեջանը մտադիր է վերաինտեգրել Ղարաբաղի հայերին․ Բայրամով

Ադրբեջանը վճռական է Ղարաբաղի տարածաշրջանում բնակվող էթնիկ հայերին երկրի քաղաքական, իրավական, տնտեսական և սոցիալական տարածքում որպես հավասար քաղաքացիներ վերաինտեգրելու հարցում։

Այս մասին Ռեյկյավիկում ընթացող Եվրոպայի խորհրդի գագաթնաժողովում հայտարարել է Ադրբեջանի արտգործնախարար Ջեյհուն Բայրամովը։

«Ադրբեջանի Սահմանադրությունը և ազգային օրենսդրությունը, ինչպես նաև միջազգային փաստաթղթերը, որոնց կողմ ենք մենք, մասնավորապես՝ Մարդու իրավունքների եվրոպական կոնվենցիան և ազգային փոքրամասնությունների պաշտպանության շրջանակային կոնվենցիան, դրա համար ամուր հիմք են ստեղծում: 

Երբ մենք սկսում ենք բուժել նախկին հակամարտության վերքերը, ռազմական լուրջ հանցագործությունների և մարդկության դեմ հանցագործությունների համար արդարության ապահովումը կենսական նշանակություն ունի: 

Այս առումով չափազանց կարևոր է լույս սփռել հակամարտության հետևանքով անհետ կորած մոտ 4000 ադրբեջանցիների ճակատագրի վրա»,- ասել է նա։