Ադրբեջանցի պատգամավորը հայտարարել է, որ «Մե՛նք ենք մեր սարերը» (Տատիկ-պապիկ) հուշարձանը, ինչպես նաև 1988 թվականից ի վեր Արցախում կառուցած ցանկացած հուշարձան պետք է ապամոնտաժվի:
«Խանքենդին (օկուպացված Ստեփանակերտ) պետք է հայտարարվի առնվազն երկրի երկրորդ մայրաքաղաք, այնտեղ պետք է կառուցվի Ադրբեջանի նախագահի ժամանակակից գրասենյակ, իսկ պետության ղեկավարը պետք է ամառային ամիսներին այնտեղ ընդունի իր հյուրերին», ասել է «Արդարություն, Իրավունք, Ժողովրդավարություն» կուսակցության նախագահ, պատգամավոր Հասանգուլիևը։ Պատգամավորը նաև առաջարկում է Տատիկ-պապիկ հուշարձանի փոխարեն կառուցել ադրբեջանցի զինվորի պատվին հուշարձան։
