Սվետլանա Տիխանովսկայան հեռացել է Բելառուսից
Hraparak
11 Օգոստոս 2020 | 10:26
0
Բելառուսի նախագահական ընտրություններում ընդդիմության թեկնածու Սվետլանա Տիխանովսկայան հեռացել է Բելառուսից։ Նա այժմ գտնվում է Լիտվայում։ Այս մասին գրել է Լիտվայի ԱԳ նախարար Լիսաս Լինկյավիչուսը՝ թվիթերյան իր էջում կատարած գրառումով։
«Սվետլանա Տիխանովսկայան Լիտվայում է, նրան որեւէ վտանգ չի սպառնում»,- մասնավորապես գրել է լիտվական արտաքին քաղաքական գերատեսչության ղեկավարը։
Հիշեցնենք, որ կիրակի օրը տեղի ունեցած նախագահական ընտրություններից, եւ դրա արդյունքների հրապարակումից հետո, որով 80,08 տոկոսով հաղթել էր գործող նախագահ Ալեքսանդր Լուկաշենկոն, Բելառուսում սրվել էր ներքաղաքական վիճակը, սկսվել էին բողոքի ակցիաները, որոնք ճնշվել էին կոշտ միջոցներով։
Կարծիքներ