Ռեժիսոր Ռոբ Ռայների եւ նրա կնոջ սպանության մեջ մեղադրվող նրանց որդու՝ Նիք Ռայների վիճակը կտրուկ վատացել է։ Նա ներկայումս գտնվում է նախնական կալանքի մեկուսարանի հոգեբուժական բաժանմունքում՝ Twin Towers բանտում․ ԱՄՆ Կալիֆորնիա նահանգ, Լոս-Անջելես։ Այս մասին հայտնում է Daily Mail-ը։ 32-ամյա Նիքը փոխվել է արտաքնապես նույնիսկ՝ անճանաչելի կերպով։ Նա խիստ նիհարել է, աչքերը փոս ընկած են, մազերը համարյա ամբողջովին սափրած։ Կոգնիտիվ կարողությունները զգալիորեն նվազել են։ «Նա այլեւս ինքն իրեն նման չէ։ Խիստ նկատելի է հետընթացը։ Ոչ մեկը նրան չի ճանաչում այլեւս։ Ամբողջովին կտրված է իրականությունից։ Նույնիսկ փաստաբանների համար դժվար է նրա հետ հաղորդակցվելը»,- ասված է հոդվածում։
Հարազատները նրա համար անհանգստացած են։ Կա մտավախություն, որ այլեւս չի վերականգնվի հոգեկան առողջության մակարդակում։ Բացի այդ, մշտական սթրեսը կարող է անդառնալի հետեւանքներ ունենալ սրտի վրա։ Նա ունի շիզոֆրենիա եւ արգելված է մյուս բանտարկյալների հետ շփումները։
