Կանադայի վարչապետ Ջասթին Թրյուդոն այսօր հայտարարություն տարածեց Հայոց ցեղասպանության զոհերի հիշատակի օրվա կապակցությամբ, որը հայտնի է նաև որպես Մեծ Եղեռն։
Հաղորդել է Կանադայի վարչապետի պաշտոնական կայքը։
«Այսօր՝ Հայոց ցեղասպանության զոհերի հիշատակի օրը, մենք միանում ենք Կանադայի և աշխարհի հայ համայնքներին՝ հիշելու նրանց, ովքեր կորցրին իրենց կյանքը և տանջվեցին հայ ժողովրդի նկատմամբ կատարված անզգա գործողություններից: Մենք նաև հարգանիքին տուրք ենք մատուցում նրանց ժառանգներին ու բոլոր նրանց, ովքեր շարունակում են ապրել այս ողբերգության ցավով, ցնցումով ու կորստով», - ասվում է ուղերձի մեջ։
Կանադայի վարչապետը նշել է, որ Հայոց ցեղասպանությունն աշխարհին ցույց տվեց բաժանման, բացառման և ատելության ոչ առաքինի գինը: «Կանադան եռանդուն կերպով ընդդիմանում ու դատապարտում է ատելությունը, անհանդուրժողականությունը և այլատյացությունը: Այսօր մենք վերահաստատում ենք մեր նվիրվածությունը մարդկային բոլոր էակների հիմնարար իրավունքներին և արժանապատվությանն ու պարտավորվում շարունակել աշխատել մեր գործընկերների հետ՝ համոզվելու համար, որ նման վայրագություններն այլևս երբեք չեն կրկնվի»:
«Մենք շարունակում ենք ներշնչվել հայ ժողովրդի ուժից ու ոգուց՝ աներևակայելի դժվարությունների պայմաններում, և հույսով սպասում ենք ավելի խաղաղ, արդար վաղվան», - հայտարարել է Ժուստան Տրյուդոն։
«Այս սգո տարելիցին ես կանադացիներին հրավիրում եմ դադար առնել՝ հիշելու համար զոհերին ու նրանց, ովքեր փրկվեցին Հայոց ցեղասպանության սարսափներից: Մենք կշարունակենք հարգանքի տուրք մատուցել նրանց՝ պայքարելով ատելության դեմ, պաշտպանելով ամենախոցելիներին և աշխատելով մեր աշխարհն ավելի լավը դարձնելու համար», - եզրափակված է Կանադայի ղեկավարի ուղերձում։
