ԱՄՆ Պետքարտուղարության ներկայացուցիչ Մեթյու Միլլերը չի հաստատել նախօրեին տարածված տեղեկությունը, համաձայն որի՝ Պետքարտուղար Բլինքենի Եվրոպայի և Եվրասիայի հարցերով օգնականի պաշտոնակատար Յուրի Քիմը և USAID-ի ղեկավար Սամանթա Փաուերը կայցելեն Ադրբեջան։ Այս մասին հայտնում է Պետդեպարտամենտի կայքը։
«Ես լրացուցիչ տեղեկություններ չունեմ նրանց ճանապարհորդության վերաբերյալ, քանի դեռ նրանք գտնվում են տարածաշրջանում», - ասել է Միլլերը:
Ավելի վաղ Հայաստանի փոխարտգործնախարար Պարույր Հովհաննիսյանը, ով Գորիս այցելության ընթացքում ուղեկցում էր ամերիկյան պատվիրակության անդամներ Քիմին և Փաուերին, հայտարարել էր, որ USAID-ի ղեկավարը ծրագրում է այցելել Ադրբեջան։
