Ռուսաստանի արտաքին գործերի նախարարության խոսնակ Մարիա Զախարովան ասել է, որ Երևանն ու Մոսկվան կապված են երկու երկրների ժողովուրդների միջև հատուկ հարաբերություններով և անկեղծ սիրով։
«Մեզ համար Հայաստանը ոչ միայն ինքնիշխան պետություն է, իհարկե, դա ճիշտ է… այլև այն պետություն է, որի հետ մենք ունենք հատուկ հարաբերություններ մեր ընդհանուր պատմության, մեզ միավորող շատ բաների պատճառով՝ ընդհանուր ընտանիքներ, նախագծեր, բիզնեսներ, փոխկապակցված ճակատագրեր», - Զախարովայի խոսքերը մեջբերել է ՏԱՍՍ-ը։
Ռուսաստանի արտաքին գործերի նախարարության խոսնակը նշել է, որ Մոսկվան «միշտ տրամադրել է միայն օգնություն և աջակցություն, որոնք կապված են եղել ինչպես աշխարհաքաղաքական գործոնների հետ, ինչպես ասում են դիվանագետները, այնպես էլ այն բանի հետ, ինչը ես անվանում եմ սեր։ Ժողովուրդների, մշակույթների միջև անկեղծ սեր, փոխըմբռնում՝ սրանք իրական կապեր են»։
«Ես նույնիսկ չեմ խոսում այն մասին, թե որքան շատ բան է անձամբ արել Ռուսաստանի նախագահը արյունալի հակամարտությունները դադարեցնելու և դժվարին ժամանակներում օգնելու, ինչպես նաև ամեն ինչ անելու՝ Հայաստանի զարգացումն ապահովելու համար»։
«Որքան շատ բան է իրականում արվել տնտեսության, էներգետիկայի, արդյունաբերության և այլնի առումով…», - ասել է Զախարովան։
