Հունվարի 27-ին՝ ժամը 14:00-ին, Հայաստանի շախմատի ակադեմիայում կանցկացվի Հայաստանի շախմատի ֆեդերացիայի կողմից կազմակերպված Հայաստանի արագ շախմատի առաջնությունը, որը նվիրված է Աշոտ Անաստասյանի հիշատակին:
Մրցաշարը կանցկացվի շվեյցարական մրցակարգով՝ 7 խաղափուլով:
Ժամակարգը՝ 10 րոպե մինչև խաղի ավարտը՝ յուրաքանչյուր քայլի համար 5 վայրկյան հավելումով:
Մրցաշարում հաշվարկվելու են միջազգային արագ շախմատի վարկանիշները:
Ընդհանուր մրցանակային ֆոնդը կազմում է 1.000.000 ՀՀ դրամ:
Գրանցման վերջնաժամկետն է հունվարի 26-ը՝ ժամը 18:00-ն:
