«Հանձնման, միակողմանի զիջումների փորձերը որևէ երաշխիք չեն պարունակում, որ, այնուամենայնիվ, եթե տարածքները հանձնվեն Ադրբեջանին, խաղաղություն կլինի։ Իրականում խաղաղության հոտը չի զգացվում, խաղաղություն ու անվտանգություն այսպես չեն հաստատում, ուստի խաղաղության օրակարգը, կարծում եմ, պետք է չակերտների մեջ վերցնել»։ Այս մասին այսօր՝ ապրիլի 22-ին, «Դիվանագետների համահայկական խորհրդի» հրավիրած մամուլի ասուլիսի ժամանակ հայտարարել է ԱԳ նախկին փոխնախարար Ավետ Ադոնցը։
«Խաղաղության օրակարգը ենթադրում է հետևողական մի աշխատանք, որը պետք է զգանք, որը կբերի խաղաղություն ու կայունություն թե մեր երկրում, թե մեր տարածաշրջանում։ Այսօրվա խաղաղության օրակարգը դինամիկ զարգանում է, բայց ոչ խաղաղություն հաստատելու ուղղությամբ»,- ասել է նա։
