«Ուժեղ Հայաստան» կուսակցության խորհրդի անդամ Ալիկ Ալեքսանյանը կարծում է, որ կուսակցության կին ներկայացուցիչների նկատմամբ սկսված իրավական գործընթացները պայմանավորված են իշխանության վախերով։ Այդ մասին նա նշել է լրագրողների հետ զրույցում։
Ալեքսանյանի խոսքով՝ Ազատության հրապարակում անցկացված հանրահավաքը, որին, իր գնահատմամբ, մասնակցել է շուրջ 40 հազար մարդ, զգալի ազդեցություն է ունեցել և անհանգստություն առաջացրել իշխանությունների շրջանում։ Նա ընդգծել է, որ նաև կազմակերպված քայլերթը նպաստել է այդ լարվածությանը։
Քաղաքական գործիչը նաև կարծիք է հայտնել, որ երկրի ղեկավար Նիկոլ Փաշինյանը լիարժեք պատկերացում չունի երկրում ստեղծված իրավիճակի մասին։ Ալեքսանյանը վստահություն է հայտնել, որ վարչապետը չի տիրապետում իրական մթնոլորտին և չի հասկանում հասարակության տրամադրությունները։
«Նիկոլ Փաշինյանը երկրում տիրող իրավիճակին չի տիրապետում»,- ասել է նա:
