Վարչապետի աշխատակազմը «Ֆակտորի փրադաքշն» ընկերության հետ 308 մլն դրամի պայմանագիր է կնքել, որով այս ընկերությունը պարտավորվում է կազմակերպել «Հայաստան- սփյուռք» համաժողովին փոխարինելու եկած «Համաշխարհային հայկական գագաթնաժողովը»։ Գնման պայմանագրից տեղեկանում ենք, որ 247 մլն դրամ արդեն իսկ վճարվել է ընկերությանը, մնացած մասը պետք է վճարվի միչև դեկտեմբեր։
Նշենք, որ այս գագաթնաժողովը բոյկոտել են և չեն մասնակցելու Մեծի Տանն Կիլիկիո կաթողիկոսությունը, Մայր Աթոռը, Դաշնակցությունը, սփյուռքի մյուս կառույցները, քանի որ Զարեհ Սինանյանն ու Նիկոլ Փաշինյանը որոշել էին, որ ոչ թե կառույցներին, այլ դրանց առանձին անդամներին են հրավիրում, այսինքն՝ իրենք են որոշում, թե կառույցն ով ներկայացնի գագաթնաժողովին։
