Ադրբեջանի խորհրդարանն այսօր պատգամավորական անձեռնմխելիությունից զրկել է պատգամավոր Էլդանիզ Սալիմովին։ Այսօր արդեն Սալիմովը կկանգնի դատարանի առաջ։ Ամենայն հավանականությամբ նա կկալանավորվի։ Գործը քննելու է Բինաղադինսկի շրջանային դատարանը։
Հիշեցնենք, որ հուլիսի 29-ին, գիշերվա ժամը 1-ի սահմաններում, Խաչմազ քաղաքի «Հին բակ» ռեստորանում պատգամավորը բռնություն էր գործադրել իր ծառայողական պարտականությունները կատարող ոստիկանի հանդեպ։ Հարուցվել է քրեական գործ՝ պաշտոնեական լիազորությունների չարաշահման հոդվածի հատկանիշներով։ Գործի քննությունն իրականացնում է Ադրբեջանի Գլխավոր դատախազության քննչական վարչությունը։
