Այսօր՝ Արցախի Հանրապետության հռչակման հերթական տարեդարձի օրը, Ստեփանակերտ էր այցելել ՀՀ գլխավոր դատախազ Արթուր Դավթյանը։ Նա ծաղիկներ խոնարհեց Ստեփանակերտի հուշահամալիրում, շրջեց եղբայրական գերեզմանատանը, զրուցեց զոհված զինվորների ծնողների հետ։
Hraparak.am-ը խնդրեց նրան մի քանի հարցի պատասխանել։ Դատախազն ասաց, որ կխոսի միայն օրվա խորհրդի մասով՝ նշելով, որ ինքն իր շնորհավորանքներն է հղում մեր ամբողջ հայ ազգին, քանի որ հայ ազգի անցած դժվար ճանապարհի արդյունքում ենք այս տոնը սկսել։
«Եւ գիտակցելով, որ հետագա ճանապարհն էլ դժվար է, մենք ողջ ազգով պետք է ամեն ինչ անենք, որպեսզի Արցախում բնակվող ժողովրդի այս բնական և անօտարելի իրավունքը պաշտպանենք»,-ասաց դատախազը։
Երբ նրան փորձեցինք հիշեցնել պետական դավաճանների ու նաև իր՝ մահապատիժը վերականգնելու վերաբերյալ գաղափարի մասին, Դավթյանն այլևս չցանկացավ պատասխանել հարցերին։
Մանրամասն՝ տեսանյութում
