Գլխավոր շտաբի պետի որդու հարսանիքն է՝ «կորչի արտակարգ դրությունը»

20:26, 7 հունիս, 2020

Մինչ Նիկոլ Փաշինյանը ֆլեշմոբեր է անում եւ դպրոցների տնօրենների է հեռացնում՝ իրենց աշխատասենյակներում ատեստատներ տալու ժամանակ 5-10 շրջանավարտ ընդունելու համար, բարձրաստիճան պաշտոնյաներից մեկն այսօր ամուսնացնում է որդուն եւ ողջ թաղամասը դղրդում է հարսանեկան երաժշտությունից։

src=https://scontent.fevn2-1.fna.fbcdn.net/v/t1.15752-9/102627096_2657087524580681_8853388248515116638_n.jpg?_nc_cat=103&_nc_sid=b96e70&_nc_oc=AQkwKRl0v0KklEWNAvmN-y6T6EfjCRlwncZuTngzVvtEmzFd4ucLEBQZ-_HSDgo1rYQ&_nc_ht=scontent.fevn2-1.fna&oh=00a3e2c6630f2c26342394eb1e33ae85&oe=5F045B1B
Զինված ուժերի գլխավոր շտաբի պետ Արտակ Դավթյանն է որոշել արտակարգ դրության պայմաններում հարսանիք անել։ Նորապսակներն այսօր եղել են Գայանե Եկեղեցում՝ գրանցել են իրենց ամուսնությունը, իսկ այս պահին Բագրեւանդի առանձնատանը խնջույքի ամենաթեժ պահն է, որն արձանագրել է մեր լրագրողի տեսախցիկը։ Ներկա է 100-ից ավելի հյուր։ Դրսում մեծ թվով ավտոմեքենաներ են կանգնած, նաեւ ՊՆ-ի պետհամարանիշներով։ Պետական պաշտոնյաները, փաստորեն, արհամարհում են արտակարգ դրության ռեժիմը եւ վարչապետի հրահանգները։

Մենք 20-ից ավելի մեքենա հաշվեցինք կայանած եւ եթե անգամ ենթադրենք, որ յուրաքանչյուր մեքենայում 2-3 ուղեւոր է եղել, ապա ակնհայտ է, որ հյուրերի քանակը մոտ է, եթե ոչ ավելի 100-ից։ Պետական պաշտոնյաները, փաստորեն, արհամարհում են արտակարգ դրության ռեժիմը եւ վարչապետի հրահանգները։

src=https://scontent.fevn2-1.fna.fbcdn.net/v/t1.15752-9/102876039_2796672020461268_7679991027412693926_n.jpg?_nc_cat=109&_nc_sid=b96e70&_nc_oc=AQkvF38x1oBz8VM1v3nsYz-BQrrpx3qC_bg7p5mQziBt9Ohp_dSntUSxvmihf04IoVE&_nc_ht=scontent.fevn2-1.fna&oh=5a009434c312e14edcea373d9ba14396&oe=5F0288A3