Քրեակատարողական հիմնարկներ թմրամիջոցներ «ներս մտցնելու» դեպքեր մշտապես տեղի են ունենում: Կալանավայրերում գտնվող թմրամոլներն ամենաանհավանական քայլերի են գնում թմրանյութեր ստանալու համար:
Շատերին դրանում աջակցում են նրանց հարազատները, ընկերները, երբեմն անգամ ՔԿՀ աշխատողներն են մատակարարում։ Թմրանյութերը ՔԿՀ տանելիս դրանք թաքցնում են ամենաանհավանական տեղերում, օրինակ՝ հացի, շաուրմայի, կոշիկի մեջ, եղել է դեպք` անգամ բերանում են պահել եւ փորձել տեսակցության ընթացքում փոխանցել կալանավորին: Սակայն ամիսներ առաջ մի դեպք է տեղի ունեցել, որ ՔԿՀ-ում «ամենաանհավանականների» շարքից են համարում։
Նարեկ անունով մի քաղաքացին թմրամիջոցը «սկոչով» ամրացրել է իր սեռական օրգանին եւ այն փորձել է փոխանցել մերձավորին, որը պատիժ է կրում «Սեւան» ՔԿՀ-ում։ Բանտի աշխատակիցները հայտնաբերել են թմրամիջոցը եւ առգրավել։ Թմրանյութը փոխանցողին կալանավորել են։
Փորձեցինք զրուցել մեղադրյալի պաշտպանի հետ, սակայն նա հեռախոսազանգերին չպատասխանեց։
