Ռուսաստանի զինված ուժերը հարձակվել են Ուկրաինայի Խարկովի և Խերսոնի մարզերի վրա․ վերջին 24 ժամվա ընթացքում զոհվել է 9-ը, վիրավորվել 47 մարդ, հայտնել են մարզային ռազմական վարչակազմերի ղեկավարները։
Խարկովի ՄՌՎ ղեկավար Օլեգ Սինեգուբովի խոսքով՝ վերջին 24 ժամվա ընթացքում ռուսական ուժերը հրթիռներ, կառավարվող ռումբեր և տարբեր տեսակի անօդաչու թռչող սարքեր են արձակել Խարկովի և մարզի 17 այլ քաղաքների վրա։ Հարձակումների հետևանքով զոհվել է երեք մարդ, վիրավորվել՝ 21-ը։
Խերսոնի ՄՌՎ ղեկավար Ալեքսանդր Պրոկուդինն իր հերթին հայտնել է, որ ռուսական ուժերը նաև հրետակոծել են Խերսոնի մարզի քաղաքները։
«Ռուսական հարձակման հետևանքով զոհվել է վեց մարդ, վիրավորվել՝ ևս 26-ը, այդ թվում՝ մեկ երեխա», - գրել է նա Telegram-ում։
